ஆத்ம காரகன் – ஓர் ஆய்வு :

ஆத்ம காரகன் – ஓர் ஆய்வு :

  

வேத ஜோதிடம் பல நுனுக்கங்கலையும், பல சூட்சமங்கலையும் கொண்ட ஒரு பெருங்கடல் ஆகும் . இந்த பெருங்கடலில் சிலருக்கு விலை மதிக்கமுடியாத முத்து கிடைக்கும் . சிலருக்கு சிப்பிகள் கிடைக்கும். சிலருக்கு வலம்பொறி சங்கு போன்ற விலைஉயர்ந்த பொருள் கிடைக்கும் . சொல்லபோனால், அவரவர் முயற்சிகேற்ப சூட்சமங்கள் கிடைக்கும் . அவ்வாறு வேத ஜோதிட கடலில் உள்ள ஒரு சூட்சமம் தான் “ ஆத்மகாரகன்” ஆகும் . இந்த ஆத்மகாரகனை பற்றி மூல நூல்களான “ பிருகத்பராசரஹோரை”, உத்திரகாலமிர்தம், ஜெயமுனி சூத்திரம் போன்றவை குறிப்பிடுகிறது. மகாகவி காளிதாசர் இந்த ஆத்மகாரகனை “ அதிக கிரகம்” என்று குறிப்பிடகிறது . யார் இந்த ஆத்காரகன் என்ற கேள்வி உங்களக்கு எலலாம். வேத ஜோதிடத்தில் “சூரியனே” ஆத்மகாரகன் ஆகும் . இருப்பினும் அவரவர் தனிப்பட்ட ஜாதகத்தில் ஆத்மகாரகன் ஒருவர் இருப்பார் . நவகிரகங்களில் ராகு , கேதுவை தவிர எந்த கிரகம் தான் இருக்கும் ராசியல் அதிக பாகைகளை  கடந்து வந்துஉள்ளதோ அந்த கிரகமே ஆத்மகாரகன் அல்லது அதிக கிரகம் ஆகும் .

உதாரணமாக ஒருவருடைய ஜாதகத்தில் சுக்கிரன் தான் இருக்கும் ராசியல் 27 பாகையல் உள்ளார் , குரு 12 பாகையில் உள்ளார் , சூரியன் 8 பாகையில் உள்ளார், புதன் 12 பாகையில் உள்ளார், சனி 21 பாகையில் உள்ளார், செவ்வாய் 15 பாகையில் உள்ளார், சந்திரன் 8 பாகையில் உள்ளார்  எனில் இங்கு சுக்கிரன் மற்ற கிரகங்களை விட அதிக பாகை கொண்டதால் இவரே ஆத்ம காரகர் ஆகும் . ஆத்ம காரகருக்கு அடுத்த படியாக அமாத்திய காரகன் , பிராத்ரு காரகன் , மாத்ரு காரகன் , ஞாதி காரகன் , தார காரகன் உள்ளனர் . இவர்கள் ஆத்மகாரகனுக்கு அடுத்து அடுத்து குறைந்த பாகைகளை கொண்டவர்கள் ஆகும் .

ஒருவரின் தொழிலை நிர்ணயம் செய்வதில் ஆத்ம காரகன் மிக முக்கியமாக கருத படுகிறார் . ஒருவருக்கு ஆத்ம காரகனின் காரகதுவத்திலோ, அவருடன் தொடர்பு பெற்ற கிரகத்தின் காரகதுவத்திலோ ஒருவருக்கு தொழில் அமையும். இங்கு தொடர்பு என்பது

1 ஆத்மகாரகன் இருக்கும் நவாம்ச அதிபதி

2 நவாம்சத்தில் ஆத்மகாரகனுடன் இணைவு பெற்ற கிரகம் ,

 3.ராசி சக்கிரத்தில் ஆத்மகாரகன் பெற்ற பார்வை

 4. ஆத்மகாரகன் பெற்ற சாரம்

5. ஆத்மகாரகன் பெற்ற இணைவு

இதை இன்று பல ஜாதகங்களில் ஆராய்ந்த பொது 90%  பொருந்தி வருவதை பார்தேன் . உதாரணமாக ஆசிரியர்களாக உள்ள எனது நண்பர்களின் ஜாதகத்தில், ஆத்மாகாரகர்களாக பல கிரகங்கள் வந்தாலும் அந்த ஆத்மகரகர்கள் நவாம்சத்தில் குருவின் வீட்டிலோ , குருவின் இணைவையோ பெற்று உள்ளனர் . மேலும் மருத்துவ நண்பரின் ஜாதகத்தில் ஆத்மகாரகன் செவ்வாயுடன் தொடர்பு கொண்டுள்ளார் . எனது மற்றொரு ஜோதிட நண்பருக்கு ஆத்மகாரகனாக புதனே வந்துள்ளார் . எனவே நீங்களும் ஆய்வு செய்து உங்கள் கருத்தை பதிவிடுங்கள் .

நீங்கள் செய்யவேண்டியவை

1.       உங்கள் ஜாதகத்தில் ஆத்மகாரகனை கண்டுபிடியுங்கள்.

2.       ஆத்ம காரகன் உள்ள நவாம்ச அதிபதி கண்டுபிடியுங்கள்.

3.       ராசியிலும் அம்சத்திலும் ஆத்ம காரகன் தொடர்பு கொள்ளும் கிரகத்தை அறிந்து அந்த கிரகங்களின் காரகதுவத்தை நீங்கள் செய்யும் தொழிலோடு ஒப்பிடுங்கள்.