வர்க்க சக்கரம் –ஓர் பார்வை

வர்க்க சக்கரம் –ஓர் பார்வை

மாணவர் : வணக்கம் ஐயா

ஆசிரியர் : வணக்கம் . அமருங்கள் . நேற்றைய பாடம் புரிந்ததா?.

மாணவர் : புரிந்தது ஐயா. இன்று எந்த ஜோதிட தலைப்பு பற்றி விவாதிக்க போகிறோம் ஐயா.

ஆசிரியர் : சொல்கிறேன் . அதற்கு முன் ஒரு கேள்வி .

மாணவர் : கேளுங்கள் ஐயா.

ஆசிரியர் : பொதுவாக ஒரு கிரகத்தின் வலிமையை எவ்வாறு கணக்கிடலாம்?

மாணவர் : ஒரு கிரகம் ராசி மற்றும் அம்சத்தில் இருக்கும் நிலையை வைத்து அதன் வலிமையை கணக்கிடலாம் .

ஆசிரியர் : ஒரு கிரகத்தின் வலிமையை கணித்திட இந்த இரண்டு சக்கரங்கள் மட்டும் போதாது.

மாணவர் : அப்படியெனில் வேறு எப்படி கணக்கிடலாம்  ஐயா.

ஆசிரியர் : ராசி மற்றும் அம்சத்தை தவிர மற்ற வர்கத்திலும் ஒரு கிரகத்தின் நிலையை கணக்கிட வேண்டும் . நாம் இன்று பார்க்க இருக்கும் தலைப்பு என்னவென்று புரிந்ததா?

மாணவர் : புரிந்தது ஐயா . “வர்க்க சக்கரங்கள்”

ஆசிரியர் : சரியாக கூறினாய்.

மாணவர் : அது சரி ஐயா. ராசி, அம்சத்தை தவிர  மற்ற வர்கங்கள் மூலம் ஒரு கிரகத்தின் வலிமையை எப்படி அறிவது?

ஆசிரியர் : வர்க்க சக்கரத்தில் ஆட்சி அல்லது மூல த்ரிகோணம், அல்லது உச்சம் அடைந்த கிரகங்கள் வலிமையுடன் உள்ளதாக அர்த்தம் .

மாணவர்  : இந்த வர்கங்கள் எத்தனை பிரிவுகளை உடையது ஐயா ?

ஆசிரியர் : .இந்த வர்க்கங்களை நான்கு பிரிவுகளாக பிரிக்கலாம் . அவை

1.       ஷட்  வர்க்கம் ,

2.       சப்த வர்க்கம் ,

3.       தசவர்க்கம் ,

4.       சோடச வர்க்கம் .

மாணவர் : “ஷட் வர்க்கம்” என்றால் என்ன ஐயா?

ஆசிரியர் : ஷட் என்றால் “ஆறு” என்று பொருள். ஷட் வர்க்கம் என்பது ஆறு வர்க்கங்களை உள்ளடகியது ஆகும் . அவை

1.       ராசி ,

2.       ஹோரை,

3.       த்ரேக்காணாம், ,

4.       நவாம்சம்,

5.       துவாதம்சம், மற்றும்

6.       த்ரிசாம்சம் ஆகும்.

மாணவர் : “சப்த வர்க்கம்” என்றால் என்ன ஐயா?

ஆசிரியர் : சப்த என்ற வடமொழி சொல்லிற்கு “ஏழு” என்பது பொருள் . எனவே சப்த வர்க்கம் என்பது ஏழு வர்க்க சக்கரங்களை உள்ளடகியது ஆகும். அவை

   1.  ராசி ,    

2.       ஹோரை,

3.       த்ரேக்காணாம்,

4.       நவாம்சம்,

5.       துவாதம்சம்,

6.       த்ரிசாம்சம் மற்றும்

7.       சப்தாம்சம் ஆகும் .

மாணவர் : “தச வர்க்கம்” என்றால் என்ன ஐயா ?

ஆசிரியர் : தசவர்க்கம் என்பது பத்து வர்ககங்களை உள்ளடக்கியது ஆகும் . அவை

1.       ராசி, (D-1)

2.       ஹோரை , ( D-2)

3.       த்ரேக்காணாம், (D-3),

4.       சப்தாம்சம், (D-7)

5.       நவாம்சம் , (D-9)

6.       தசாம்சம் , (D-10)

7.       துவாதசாம்சம், (D-12)

8.       சோடசாம்சம், (D-16)

9.       த்ரிசாம்சம், ( D-30)

10.   ஷஸ்டியாம்சம். (D-60)

மாணவர் : “சோடசவர்கம்” என்றால் என்ன ஐயா?

ஆசிரியர் : சோடசவர்கம் என்பது பதினாறு வர்க்கங்களை கொண்டது ஆகும் . அவை தச வர்கங்களுடன் மேலும் ஆறு வர்கங்கள் சேரும். அவை

1.       சதுர்தாம்சம், (D-4)

2.       விம்சாம்சம், (D-20)

3.       சதுர்விம்சாம்சம், (D-24)

4.       சப்தவிம்சாம்சம், (D-27)

5.       காவேடாம்சம், (D-40)

6.       அக்க்ஷவேடாம்சம் (D-45)

மாணவர் :  .இந்த நான்கு வகையான வர்க்கங்களில் மிகவும் முக்கியமான வர்கங்கள் எது ஐயா?

ஆசிரியர் : மேலே கூறப்பட்டுள்ள நான்கு வகை வர்க்கங்களில் மிக முக்கியமானதது “தச வர்ககம்” மற்றும் “சோடசவர்கம்” ஆகும்.

மாணவர் : ஆனால் இதனை எப்படி கணக்கிடுவது ?

ஆசிரியர் : சோடசவர்கம் கணக்கிட சிரமப்பட வேண்டாம். ASTRO SOFT, ASTRO SAGE , போன்ற செயலியின் உதவியை கொண்டு எந்த கிரகம் அதிக வர்க்க சக்கரங்களில் ஆட்சி அல்லது மூலத்ரிகோணம், அல்லது உச்சத்தில்  உள்ளது என்பதை கண்டு அறியலாம் .  ஒரு கிரகம் எத்தனை வர்கத்தில் ஆட்சி அல்லது மூலத்ரிகோணம் அல்லது உச்சமாக உள்ளதோ அத்தனை வலிமை உடன் இருபதாக அர்த்தம்.

மாணவர் : இதற்கு ஏதேனும் சிறப்பு பெயர்கள் உண்டா?

ஆசிரியர் : இதற்கு சிறப்பு பெயர்கள் உண்டு (வைசெசிகம்சம்) . உதாரணமாக சோடசவர்கதில் (16 வர்க்கம்)  4 மதிப்பெண்கள் பெற்ற கிரகம் ( அதாவது பதினாறு வர்கத்தில் ஏதேனும்  நான்கு வர்க்கங்களில் ஒரு கிரகம்  ஆட்சி அல்லது உச்சம் அல்லது மூல த்ரிகோணம் பெறுதல்  ) இதற்கு “நாக புஷ்பாம்சம்” என்று பெயர் ... இதே போல் ஒரு கிரகம்  தச வர்கத்தில்  நான்கு மதிப்பெண்கள் பெற்றால் இதற்கு “கோபுராம்சம்” என்று பெயர் ... ( அதாவது ஒரு கிரகம் பத்து வர்க்கங்களில் ஏதேனும்  நான்கு வர்க்கங்களில் ஆட்சி அல்லது மூலத்ரிகோணம் அல்லது உச்சம் பெற்றதை குறிக்கும்) .......